Stordruta skal ha same rutetilbod

Stord Næringsråd var ikkje nøgd med grunnlaget regjeringa la i bordet då dei la ut anbod for Stord-Oslo ruta, då denne vart annonsert 23.04.26.

- https://www.regjeringen.no/no/aktuelt/utlysing-av-ny-konkurranse-om-regional-flyrutedrift-i-sor-noreg/id3157138/

Ein nedgang på setekapasitet på nær 30%, og ein prisoppgang på ca 20% var ikkje i tråd med dei innspela som ein samla region saman med flyplassleiinga har kommunisert inn til regjeringa. 

På spørsmål frå Stortinget har heller ikkje statsråden kunne argumentere godt for kvifor eit slikt nedtrekk på setekapasitet er lagt inn. 

https://www.stortinget.no/no/Saker-og-publikasjoner/Sporsmal/Skriftlige-sporsmal-og-svar/Skriftlig-sporsmal/?qnid=122889

- Vi har difor jobba strukturert og godt saman med dei andre næringsråda og politisk leiing i regionen, og det er difor svært gledeleg at det i dag, frå eit fleirtal av partia på Stortinget, vil bli lagt fram eit representantforslag som instruerer regjeringa i å sikre at kapasiteten minst vert som i dag også i framhaldet, seier Liv Kari Eskeland i Stord Næringsråd.

- Flyruta er i dag eit svært populært reisealternativ for oss her i regionen, og heit nødvendig for oss, kanskje spesielt i den tida vi no går inn i. Det er ein viktig del av vår infrastruktur. Med mindre jobb her lokalt, er det trong for at vi kan reise ut i periodar, og då er det avgjerande å kunne ta ned belastninga for dei som i periodar må reise ut av øya, seier ho. Og like viktig har det no vore å få folk og personell inn til regionen, der høg aktivitet spesielt på Aker Solution har sytt for at flyruta har hatt høgt belegg

- Det var sjølvsagt bra at FOT-rute tilbodet til Stord vart vidareført, men det hjelper lite dersom tilbodet ikkje står i forhold til etterspørselen. Med grepet Stortinget no tek, vil regionen få eit godt og teneleg fly-tilbod også i framhaldet, og vi er svært glade for at Stortinget har lytta til oss i denne saka,  avsluttar Eskeland.