Stordkonferansen 2026

Krig, klima, framtid og finans skaper uro, også for verksemdene på Vestlandet. På Stordkonferansen 2026 samlar arrangørane næringsliv, offentleg sektor og fagmiljø til ein dagsaktuell konferanse om geopolitiske endringar, tryggleik, grøn omstilling og vegen vidare når oljeskattepakken går mot slutten.

Stordkonferansen 2026 blir arrangert torsdag 11. juni i Stord Kulturhus, med vorspiel i Gjøa (9. etg) og festmiddag i Valhall på Stord Hotell. Konferansen byggjer vidare på suksessen til jubileumskonferansen i fjor og legg opp til både fagleg påfyll, utstillarområde, god mat frå Urt & Ugras og drøs i pausane.

Nokre høgdepunkt frå programmet:

Geopolitikk og «den nye normalen»: Hilmar Mjelde (Høgskulen på Vestlandet) deltek i opningsbolken om ei uroleg og uoversikteleg verd og konsekvensane for Noreg og Vestlandet.
Tryggleik og digital motstandskraft: Roar Thon (NSM) om kvifor alle verksemder er mål og kva kvar enkelt kan gjere for å styrkje sikkerheitskulturen.
Politikk og rammevilkår: Næringsminister Cecilie Myrseth kjem til Stordkonferansen.
Når oljeskattepakken går mot slutten: Ordførar Sigbjørn Framnes (Stord kommune) og professor Olav Kjellevold Olsen (UiB) om omstilling, leiing i krevjande situasjonar og vegen vidare. Vi får og høyre frå lokale industrileiarar om kva dei ser for seg i tida framover.
Grøn omstilling og arbeidskraft: Tor Martin Misund (Grøn Region Vestland), Sondre Olsen (NHO Vestland) om status, moglegheiter og konkurransekraft og Geir Aker (Fenriken i Kompani Lauritsen) om generasjon Z i arbeidslivet.

Følg med framover for endå meir spennande program - stordkonferansen.no

Stordkonferansen 2026 - URO

LES FLEIRE NYHENDE

Liv Kari Eskeland er ny styreleiar i Stord Næringsråd

Ny medlem - Novion AS